7仔明天「yuu折日」 買滿$71享11%折扣

新一期消費券已到手，黛安知道，7-Eleven為yuu會員特別加推一日限定嘅「yuu折日」，聽日（7日）朝早7點起，yuu會員只需買滿$71就可以享有11%折扣，變相可享89折優惠，配合埋今期多款精選優惠，用折上折價錢就可以掃走唔同筍貨。當中包括北歐製造嘅EKSELENCE雪糕批，今期優惠$72/4件，折實價$64.1/4件；Häagen-Dazs迷你杯/雪糕批今期優惠$140/7件，折實價$124.6 /7件，仲有好多精選產品好抵買啊！

今期超筍着數仲有7-SELECT獨家人氣美食，如各款雞髀及溏心蛋、卡樂B薯片系列、雀巢咖啡、維他冷泡茶等，仲有靚太至愛嘅金象牌頂上茉莉香米、威露士殺菌消毒噴霧等。同場亦有最新一系列嘅百變小櫻精品連糖果組合，各款精品包括精美索袋、實用玻璃碗、玻璃罐、餐具套裝及水樽，趁住「yuu折日」去揀番啲心水產品啦。